ബീഫ്​ നിരോധനം, ലവ്​ ജിഹാദ്​; ഉത്തരം നൽകാതെ ഇ.ശ്രീധരൻ എണീറ്റുപോയി; ഇതാണോ ബി.​ജെ.പിയുടെ ആദർശവാനെന്ന്​ തരൂർ

ബീഫ്​ നിരോധനം, ലവ്​ ജിഹാദ്​ എന്നിവയെക്കുറിച്ചുള്ള മാധ്യമ പ്രവർത്തകയുടെ ചോദ്യങ്ങൾക്ക്​ ഉത്തരം നൽകാതെ ബി.ജെ.പി നേതാവും NDA പാലക്കാട്​ നിയോജക മണ്ഡലം സ്ഥാനാർഥിയുമായ ഇ.​ശ്രീധരൻ എണീറ്റുപോയി. Newslaundry.comന്റെ അഭിമുഖത്തിനിടെയായിരുന്നു നാടകീയ സംഭവങ്ങൾ.

ബീഫ്​ കഴിക്കുന്നതിനെക്കുറിച്ചുള്ള ചോദ്യങ്ങൾക്ക്​ ഉത്തരം നൽകാൻ തയ്യാറാകാതിരുന്ന ഇ. ​ശ്രീധരനോട്​ വടക്കേഇന്ത്യയിലും തെക്കേ ഇന്ത്യയിലും ബി.ജെ.പിക്ക്​ ഇക്കാര്യത്തിൽ വ്യത്യസ്​ത നിലപാടാ​ണല്ലോ എന്ന മാധ്യമ പ്രവർത്തക ചോദ്യത്തിന് "ഇതിനെക്കുറിച്ച്​ പറയാൻ ആളല്ല എന്നായിരുന്നു മറുപടി". കെ.സുരേ​ന്ദ്രന്‍റെ പേരിലുള്ള കേസുകൾ കള്ളമാണെന്ന്​ പറഞ്ഞ ഇ.​ശ്രീധരൻ പിണറായി വിജയന്‍റെ പേരിലുള്ള സ്വർണക്കടത്തിനേക്കാൾ വലുതാണോ അതെന്നും ചോദിച്ചു.

ആവശ്യമില്ലാത്ത ചോദ്യങ്ങൾ ചോദിക്കരുതെന്ന്​ മാധ്യമപ്രവർത്തകയോട്​ പറഞ്ഞ ഇ.ശ്രീധര​ൻ ലവ്​ ജിഹാദിനെക്കുറിച്ചുള്ള ചോദ്യംകൂടിയായതോടെ ഇന്‍റർവ്യൂ മതിയാക്കി പോകുകയായിരുന്നു.

“I can’t understand this”: Shri E Sreedharan wants to be in politics without having to deal with political questions! THIS is the BJP’s ideal candidate? https://t.co/M6zDXimXq0

— Shashi Tharoor (@ShashiTharoor) March 29, 2021

ന്യൂസ് ലോണ്ടറി ട്വിറ്ററിൽ പങ്കുവെച്ച ഇന്റർവ്യൂ വിഡിയോ പങ്കുവെച്ച്​, വിമർശനവുമായി കോൺഗ്രസ്​ നേതാവ്​ ശശി തരൂർ രംഗത്തെത്തി. രാഷ്​ട്രീയമായ ചോദ്യങ്ങൾക്ക്​ ഉത്തരം നൽകാതെയണോ ഇ.ശ്രീധരൻ രാഷ്​ട്രീയത്തിലേക്കിറങ്ങുന്നതെന്നും ഇതാ​ണോ ബി.ജെ.പിയുടെ ആദർശവാനായ സ്ഥാനാർഥിയെന്നും തരൂർ ട്വിറ്ററിൽ ചോദിച്ചു.