ശ്രീലങ്കയുടെ ചരിത്രത്തിലെ ഏറ്റവും വലിയ സാമ്പത്തിക പ്രതിസന്ധി - റിപ്പോർട്

എന്താണ് ലങ്കയുടെ ഇന്നത്തെ സ്ഥിതി - ശ്രീലങ്കയുടെ സാമ്പത്തിക പ്രതിസന്ധി അതിവേഗം മോശമാവുകയാണ്, ഇത് ജനങ്ങളെ വളരെ മോശമായ സാമ്പത്തിക പ്രതിസന്ധിയിലേക്ക് തള്ളിവിടുകയാണ്. ഇന്ധനം വാങ്ങാൻ നീണ്ട ക്യൂവിൽ കാത്തുനിന്ന് കഴിഞ്ഞയാഴ്ച രണ്ട് മുതിർന്ന പൗരന്മാർ കുഴഞ്ഞു വീണ് മരണമടയുന്നത് പോലെയുള്ള സ്ഥിതിയിലൂടെയാണ് ശ്രീലങ്ക കടന്ന് പോയിക്കൊണ്ടിരിക്കുന്നത്, പാചകവാതകത്തിൻ്റെ വില 4,199 രൂപയായി അതായത് ഏകദേശം 1,150 രൂപയുടെ വർദ്ധനവ്. ദ്വീപിൽ വ്യാപകമായി ഉപയോഗിക്കുന്ന പാൽപ്പൊടിയുടെ വില കിലോയ്ക്ക് 600 രൂപയായി ഉയർന്നു, പേപ്പർ ക്ഷാമം കാരണം ദശലക്ഷക്കണക്കിന് വിദ്യാർത്ഥികളുടെ സ്കൂൾ പരീക്ഷകൾ റദ്ദാക്കാൻ സർക്കാർ നിർബൻന്ധിതരായി. ഇതിനിടെ, തെരുവിൽ സർക്കാരിനെതിരായ ജനങ്ങളുടെ പ്രധിഷേധങ്ങൾ ശക്തമാവുകയാണ്.

എന്തുകൊണ്ടാണ് വില കുതിച്ചുയരുന്നതും, ക്ഷാമം ഉണ്ടാകുന്നതും?

ശ്രീലങ്കയുടെ ചരിത്രത്തിലെ ഏറ്റവും വലിയ സാമ്പത്തിക തകർച്ചയുടെ പിടിയിലാണ് രാജ്യമിപ്പോൾ. 2020-ൽ തുടങ്ങിയ കോവിഡ് മഹാമാരിയുടെ ആദ്യ തരംഗത്തിൻ്റെ ആരംഭ കാലം വരാനിരിക്കുന്ന ദുരിതത്തിൻ്റെ സൂചനകൾ നൽകാൻ തുടങ്ങിയിരുന്നു. പശ്ചിമേഷ്യൻ രാജ്യങ്ങളിലെ ആയിരക്കണക്കിന് ശ്രീലങ്കൻ തൊഴിലാളികൾ തൊഴിൽ നഷ്ടപ്പെട്ട് രാജ്യത്തേക്ക് മടങ്ങി; കോവിഡ് ബാധിതരുടെ എണ്ണം ഗണ്യമായി വർധിച്ചതോടെ ശ്രീലങ്കയിലെ വസ്ത്രനിർമ്മാണ ശാലകളും തേയിലത്തോട്ടങ്ങളും പ്രവർത്തനം നിർത്തിവെച്ചു, നഗരങ്ങൾ കേന്ദ്രീകരിച്ചുളള സ്ഥാപനങ്ങൾ കോവിഡിനെ തുടർന്ന് പെട്ടെന്ന്  അടച്ചുപൂട്ടുകയോ ജീവനക്കാരെ പിരിച്ചുവിടുകയോ ചെയ്തതോടെ ലക്ഷക്കണക്കിന് യുവാക്കൾക്ക് ജോലി നഷ്ടപ്പെട്ടു. വിദേശികളുടെ വരവ് ഏതാണ്ട് പൂർണമായും നിലച്ചതോടെ, വിനോദസഞ്ചാര മേഖലയും കയറ്റുമതിയും പണമയക്കലും പോലുള്ള എല്ലാ പ്രധാന വിദേശനാണ്യ വരുമാന മാർഗവും അടഞ്ഞതോടെ ലങ്ക ഇന്ന് കാണുന്ന സാമ്പത്തിക പ്രതിസന്ധിയിലേക്ക് കൂപ്പുകുത്തി.

ഈ പ്രതിസന്ധിനേരിടാനുള്ള ശക്തവും സമഗ്രവുമായ ഒരു പദ്ധതിയുടെ കുറവും, ജൈവകൃഷിയിലേക്കുള്ള ഗവൺമെൻ്റിൻ്റെ പെട്ടെന്നുള്ള മാറ്റം ഉൾപ്പടെ കഴിഞ്ഞ വർഷത്തെ ചില തെറ്റായ നയ തീരുമാനങ്ങളും സാമ്പത്തിക പ്രതിസന്ധിയുടെ ആക്കം വർധിപ്പിച്ചു .ജൈവകൃഷിയിലേക്ക്  പെട്ടെന്ന് മാറിയതോടെ, കാർഷിക മേഖലയിൽനിന്നുള്ള ഉല്പാദനവും രാസവളങ്ങൾ ഉപ്പടെയുള്ളവയിൽനിന്നുള്ള വരുമാനവും ഗണ്യമായി കുറയാനിടയാക്കി. ഇതോടെ കഴിഞ്ഞ വർഷം ഓഗസ്റ്റിൽ, അവശ്യ ഭക്ഷ്യ വസ്തുക്കളുടെ വിതരണത്തിന് സർക്കാർ അടിയന്തര നിയന്ത്രണങ്ങൾ പ്രഖ്യാപിച്ചു. ഡോളർ ലാഭിക്കുന്നതിന് ഇറക്കുമതി നിയന്ത്രണങ്ങൾ കൊണ്ടുവന്നു. ഇത് വിപണിയിൽ  ക്രമക്കേടുകൾക്കും പൂഴ്ത്തിവയ്പ്പിനും കാരണമായി.

2021 അവസാനത്തോടെ ലങ്കയുടെ വിദേശ കരുതൽ ശേഖരം 1.6 ബില്യൺ ഡോളറായി (1,22,01,04,00,000. രൂപ ) കുറയുകയും, പുറമെനിന്നുള്ള വായ്പകളുടെ  തിരിച്ചടവിനുള്ള സമയപരിധി തീരുകയും ചെയ്തതോടെ, 2021 അവസാനത്തോടെ പരമാധികാര സ്ഥിരസ്ഥിതിയെക്കുറിച്ചുള്ള ഭയം ഉയർന്നു. എന്നാൽ കുറ്റമറ്റ വിദേശ വായ്പ സേവന റെക്കോർഡ് നിലനിർത്താൻ ശ്രീലങ്കയ്ക്ക് കഴിഞ്ഞു. പക്ഷെ ഭക്ഷണം, ഇന്ധനം, മരുന്നുകൾ തുടങ്ങിയ അവശ്യവസ്തുക്കൾ ഇറക്കുമതി ചെയ്യാൻ ആവശ്യമായ ഡോളറില്ലാത്തത്, 2022ൻ്റെ ആരംഭത്തിൽ തന്നെ ലങ്കയുടെ സ്ഥിതി വളരെ മോശമാണെന്നുള്ള വിലയിരുത്തലുകൾക്ക് ആക്കം കൂട്ടി.

അടിസ്ഥാനപരമായ യാഥാർത്ഥ്യം?

മാക്രോ-ഇക്കണോമിക് തലത്തിൽ, എല്ലാ സൂചകങ്ങളും പറയുന്നത് ലങ്കയുടെ സ്ഥിതി ആശങ്കാജനകമാണെന്നാണ്. ഈ മാസം, പുറത്തിറക്കിയ ശ്രീലങ്കൻ രൂപയ്ക്ക് യുഎസ് ഡോളറിനെതിരെയുള്ള വിനിമയ നിരക്ക് ഏകദേശം 265 രൂപയായി ആയി കുറഞ്ഞു, അതായത് ഒരു ഡോളർ വാങ്ങാൻ 265 ശ്രീലങ്കൻ രൂപ വേണം (1 ഡോളർ = 76.23 ഇന്ത്യൻ രൂപ). ഉപഭോക്തൃ നാണയപ്പെരുപ്പം 16.8 ശതമാനവും വിദേശ കരുതൽ ശേഖരം ഫെബ്രുവരി അവസാനം 2.31 ബില്യൺ ഡോളറുമാണ്. ശ്രീലങ്ക ഈ വർഷം ഏകദേശം 7 ബില്യൺ ഡോളർ വിദേശ കടം തിരിച്ചടയ്ക്കുകയും ബാക്കിയുള്ള ഡോളർ ഉപയോഗിച്ച് അവശ്യവസ്തുക്കൾ ഇറക്കുമതി ചെയ്യുന്നത് തുടരുകയും ചെയ്യണമെന്നതാണ് വെല്ലുവിളി. ഈ വർഷം ശ്രീലങ്കയ്ക്ക് 22 ബില്യൺ ഡോളർ ഇറക്കുമതിയ്ക്കായ്  നൽകേണ്ടിവരുമെന്നും, ഇത് 10 ബില്യൺ ഡോളറിൻ്റെ വ്യാപാര കമ്മിയുണ്ടാക്കുമെന്നും പ്രസിഡൻ്റ് രാജപക്‌സെ അടുത്തിടെ രാജ്യത്തെ അഭിസംബോധന ചെയ്തുകൊണ്ട് പറഞ്ഞു.

ഈ വ്യാപാരകമ്മി ജനങ്ങളെ അതി ഭീകരമായി ബാധിച്ചു തുടങ്ങിയിരിക്കുന്നു. ഇത് മൂലം പൗരന്മാർ ഇന്ധനം വാങ്ങാൻ വീണ്ടും നീണ്ട ക്യൂവിൽ  കാത്തിരിപ്പ് തുടരേണ്ടിവരും, പാചകവാതകത്തിൻ്റെ ക്ഷാമം വീണ്ടും കൂടാനിടയാക്കും, മണിക്കൂറുകളോളം നീണ്ടുനിൽക്കുന്ന പവർ കട്ട് രാജ്യത്തിൻ്റെ വിവിധ ഭാഗങ്ങളിലേക്ക് വ്യാപിക്കാനിടയാക്കും, രോഗികൾക്കുള്ള മരുന്നുകൾക്ക് ക്ഷാമമുണ്ടാകും. സാധാരണക്കാരായ ജോലിക്കാരുടെ കുടുംബങ്ങളിൽ പ്രതിസന്ധിമൂലം കുട്ടികൾക്കുള്ള പാലിൻ്റെ അളവ് കുറയ്ക്കുക, ഭക്ഷണം കുറച്ച് കഴിക്കുക, അല്ലെങ്കിൽ പട്ടിണി കിടക്കേണ്ട സ്തിതി വിശേഷമുണ്ടാകും. 

ഇതിനിടെ പ്രസിഡന്റ് രാജപക്‌സെ രാജിവെച്ച് പുറത്ത്പോകണമെന്ന് ആവശ്യപ്പെട്ട് ജനങ്ങളും പ്രതിപക്ഷ രാഷ്ട്രീയ കക്ഷികളും പ്രതിഷേധവുമായി തെരുവിലിറങ്ങിയിരിക്കുകയാണ്. പല പത്ര മാധ്യമ സ്ഥാപനങ്ങളും സർക്കാരിനെ നിശിതമായി വിമർശനമുന്നയിക്കാൻ തുടങ്ങിയിരിക്കുന്നു, സോഷ്യൽ മീഡിയ പ്ലാറ്റുഫോമുകൾ പലതും  മീമുകളും രാജപക്‌സെയ്‌ക്കെതിരായ നിശിതമായ വിമർശനങ്ങളുംകൊണ്ട്  നിറഞ്ഞിരിക്കുന്നു.

പ്രതിസന്ധികൾ ആരുടെ സൃഷ്ടി?

കോവിഡ് മഹാമാരി മൂലം ഉണ്ടായ വെല്ലുവിളികൾ ചൂണ്ടിക്കാട്ടി “ഈ പ്രതിസന്ധി ഞാൻ സൃഷ്ടിച്ചതല്ല,” എന്ന് പ്രസിഡന്റ് രാജപക്‌സെ പറഞ്ഞു. അന്താരാഷ്ട്ര നാണയ നിധിയുടെ (IMF) പിന്തുണതേടുക എന്നതാണ് ഗവൺമെൻ്റിനുള്ള "ഒരേ ഒരു ഓപ്ഷൻ" എന്ന് പല സാമ്പത്തിക വിദഗ്ധരും പറഞ്ഞിട്ടും, പ്രതിഷേധങ്ങളും വിമർശനങ്ങളും ഉയർനിന്നിട്ടും, സർക്കാരിൻ്റെ നയങ്ങളിൽ മാറ്റം വരുത്താൻ പ്രസിഡൻ്റ് ഒരു വിമുഖത കാണിച്ചിരുന്നു. "രാജ്യത്തിൻ്റെ വാർഷിക വായ്പാ തവണകളും സോവറിൻ ബോണ്ടുകളും അടയ്‌ക്കാനുള്ള വഴി കണ്ടെത്തുന്നതിന്" സർക്കാർ ഇപ്പോൾ ഐ‌ എം‌ എഫുമായി ചർച്ച നടത്തുകയാണെന്ന് രാജപക്‌സെ പറഞ്ഞു. ഈ ഘട്ടത്തിൽ ഐ എം എഫ് ശ്രീലങ്കയെ ഏത് രീതിയിൽ പിന്തുണയ്ക്കുമെന്നും ആ പിന്തുണ നിലവിലെ പ്രതിസന്ധിയെ നേരിടാൻ രാജ്യത്തെ എങ്ങനെ സഹായിക്കുമെന്നും കണ്ടുതന്നെ അറിയേണം. ഇന്ത്യ ഉൾപ്പെടെയുള്ള വിവിധ ഉഭയകക്ഷി പങ്കാളികളിൽ നിന്ന് വായ്പകൾ, കറൻസി കൈമാറ്റം, അവശ്യവസ്തുക്കളുടെ ഇറക്കുമതിക്കുള്ള ക്രെഡിറ്റ് എന്നിവയ്ക്ക് ഇപ്പോൾ തന്നെ കൊളംബോ പിന്തുണ തേടിയിട്ടുണ്ട്.

2022 ജനുവരി മുതൽ, 400 മില്യൺ ഡോളർ ആർ ബി ഐ കറൻസി മാറ്റമായും, 500 മില്യൺ ഡോളർ വായ്‌പ തിരിച്ചടവ് മാറ്റിവയ്ക്കലായും, ഭക്ഷണം, ഇന്ധനം, മരുന്നുകൾ എന്നിവ ഇറക്കുമതി ചെയ്യുന്നതിനുള്ള വായ്പ സഹായം ഉൾപ്പെടെ 2.4 ബില്യൺ ഡോളറിൻ്റെ സഹായം ഇന്ത്യ വാഗ്ദാനംചെയ്തിട്ടുണ്ട്. ഇതിൽ,   ഒരു ബില്യൺ ഡോളറിൻ്റെ സഹായത്തിൻ്റെ കാര്യങ്ങൾക്ക്, ലങ്കൻ ധനമന്ത്രി ബേസിൽ രാജപക്‌സെയുടെ കഴിഞ്ഞയാഴ്ചത്തെ ന്യൂഡൽഹി സന്ദർശന വേളയിൽ അന്തിമ തീരുമാനമായി. “ആദ്യം അയൽപക്കം. ഇന്ത്യ ശ്രീലങ്കയ്‌ക്കൊപ്പമാണ്. ഇന്ത്യ നൽകുന്ന പിന്തുണയുടെ പ്രധാന ഘടകമായ, അവശ്യസാധനങ്ങളുടെ വിതരണത്തിനായുള്ള $1 ബില്യൺ ഡോളറിൻ്റെ കരാറിൽ ഒപ്പുവച്ചു." എന്ന് വിദേശകാര്യ മന്ത്രി എസ് ജയശങ്കർ ട്വീറ്റിൽ പറഞ്ഞു.

Neighborhood first. India stands with Sri Lanka.

US$ 1 billion credit line signed for supply of essential commodities.

Key element of the package of support extended by India. pic.twitter.com/Fbzu5WFE3n

— Dr. S. Jaishankar (@DrSJaishankar) March 17, 2022

അതേസമയം, കോവിഡ് മഹാമാരി പൊട്ടിപ്പുറപ്പെട്ടതിനുശേഷം ചൈന നൽകിയ 2.8 ബില്യൺ ഡോളറിന് പുറമേ, 2.5 ബില്യൺ ഡോളറിന്റെ അധിക സഹായത്തിനുള്ള ശ്രീലങ്കയുടെ അടുത്ത കാലത്തെ അഭ്യർത്ഥന ചൈന പരിഗണിക്കുന്നുണ്ടെന്ന് കൊളംബോയിലെ ചൈനീസ് അംബാസഡർ ഒരു പത്ര സമ്മേളനത്തിൽ പറഞ്ഞു.

ഇന്ത്യയുടെ സഹായത്തെകുറിച്ചുള്ള ശ്രീലങ്കയിൽ കാഴ്ചപാട് എന്ത്? 

ഇന്ത്യയുടെ മയോചിതമായ സഹായത്തിന് സർക്കാർ നേതൃത്വം നന്ദി പറഞ്ഞു, എന്നാൽ സമീപകാലത്ത് ദ്വീപ് രാഷ്ട്രത്തിലെ പ്രധാന അടിസ്ഥാന സൗകര്യ പദ്ധതികളിൽ ഇന്ത്യ നടത്തിയ മൂലധന നിക്ഷേപങ്ങളിൽ, പ്രധാനമായും ലങ്കയിലെ തന്ത്രപ്രധാനമായ ട്രിങ്കോമലിയിലെ വികസനത്തിനുള്ള ഇൻഡ്യൻ സഹായത്തെക്കുറിച്ച് ശ്രീലങ്കൻ മാധ്യമങ്ങളിലും ചില വിഭാഗം രാഷ്ട്രീയ കക്ഷികളിലും സംശയം ഉടലെടുത്തിട്ടുണ്ട്. ഇതിൽ പ്രധാനം ട്രിങ്കോമാലിയിലെ ഓയിൽ ടാങ്ക് ഫാം പദ്ധതിയാണ്. മറ്റൊന്ന്  ശ്രീലങ്കയുടെ കിഴക്കൻ ട്രിങ്കോമാലി ജില്ലയിലെ സാമ്പൂരിൽ സൗരോർജ്ജ നിലയം സ്ഥാപിക്കാൻ നാഷണൽ തെർമൽ പവർ കോർപ്പറേഷൻ സിലോൺ ഇലക്ട്രിസിറ്റി ബോർഡുമായി അടുത്തിടെ ഉണ്ടാക്കിയ കരാറാണ്; മറ്റൊരു പദ്ധതി, അദാനി ഗ്രൂപ്പിൻ്റെ നിക്ഷേപത്തോടെ വടക്കൻ ശ്രീലങ്കയിൽ ആരംഭിക്കുന്ന രണ്ട് പുനരുപയോഗ ഊർജ പദ്ധതികളുമാണ്.

ന്യൂ ഡൽഹി "നയതന്ത്ര ബ്ലാക്ക് മെയിലിംഗ്" നടത്തുകയാണെന്ന ലങ്കയിലെ വാരാന്ത്യ ദിനപത്രമായ സൺഡേ ടൈംസിൻ്റെ എഡിറ്റോറിയൽ നിലപാട് സ്വീ ശ്രദ്ധേയമായ കാര്യമാണ്, അതേസമയം ശ്രീലങ്കൻ നേതാക്കൾ ഇന്ത്യയിൽ നിന്നുള്ള അടിയന്തര സാമ്പത്തിക സഹായത്തിനായി നിർണായക ഊർജ്ജ പദ്ധതികൾ കച്ചവടം ചെയ്യുന്നതായി കാർട്ടൂണുകൾ പത്രമാധ്യമങ്ങളിൽ അച്ചടിച്ചുവാരാനും തുടങ്ങി. ആഗോള തലത്തിലുള്ള മത്സരാധിഷ്ഠിത ലേലങ്ങളും നടപടിക്രമങ്ങളും ഒഴിവാക്കി അദാനി ഗ്രൂപ്പ് "പിൻവാതിലി"ലൂടെ ശ്രീലങ്കയിലേക്ക് പ്രവേശിച്ചതായി പ്രതിപക്ഷ രാഷ്ട്രീയ കക്ഷികൾ ആരോപിച്ചു. 

അതായത് സാമ്പത്തീക പ്രതിസന്ധി നേരിടുമ്പോഴും, ബില്യൺ ഡോളറുകളുടെ സഹായം നൽകുന്ന ഇന്ത്യയുടെ നിലപാടിനെ ഒരുവിഭാഗം ജനങ്ങളും, രാഷ്ട്രീയ പാർട്ടികളും, പത്രമാധ്യമങ്ങളും സംശയത്തിൻ്റെ കണ്ണിലൂടെയാണ് നോക്കി കാണുന്നത്.